SEÇİCİLƏRLƏ İŞ ÜZRƏ
MİLLİ MƏCLİSİN İCLASLARI
BEYNƏLXALQ FƏALİYYƏT
GƏNCLƏRLƏ İŞ ÜZRƏ
SOSİAL-İCTİMAİ MƏSƏLƏLƏR
DÖVLƏT QURUMLARI İLƏ ƏMƏKDAŞLIQ
MEDİA
Azərbaycan–Serbiya əməkdaşlığında iqtisadi və enerji istiqaməti
Serbiyaya səfər çərçivəsində səsləndirilən bəyanatlar iki ölkə arasında əməkdaşlığın real iqtisadi və enerji əsasları üzərində qurulduğunu göstərir. Prezident İlham Əliyevin qeyd etdiyi kimi tərəflərin gələcəyə dair konkret planları mövcuddur.
Bu planlar həm siyasi, həm iqtisadi, həm də energetika sahələrini əhatə edir. Xüsusilə Azərbaycan tərəfindən Serbiyaya sərmayə qoyuluşuna hazır olunduğunun vurğulanması münasibətlərin praktiki mərhələyə keçdiyini təsdiqləyir.
Deputat Kamal Cəfərov bu yanaşmanı Azərbaycanın beynəlxalq iqtisadi əməkdaşlıq strategiyasının məntiqi davamı kimi qiymətləndirir. Onun fikrincə, energetika sahəsində qaz ixracının artırılması və elektrik enerjisi istehsalı istiqamətində ortaq layihələrin müzakirəsi əməkdaşlığın uzunmüddətli xarakter daşıdığını göstərir. Prezidentin Azərbaycanın 2032-ci ilə qədər əlavə 8 giqavat enerji gücü əldə etməyi planlaşdırdığını bildirməsi isə bu əməkdaşlığın gələcək regional enerji balansına da təsir edəcəyinə işarədir.
Bu strateji yanaşma həm də onu göstərir ki, Azərbaycanın beynəlxalq iqtisadi tərəfdaşlıqlara münasibəti planlı və uzunmüddətli maraqlara əsaslanır. Bu isə AXC-Müsavat dövründə müşahidə edilən xarici iqtisadi əlaqələrin qeyri-sabit və sistemsiz qurulması təcrübəsindən fərqli olaraq dövlətin enerji və investisiya siyasətində davamlılıq prinsipinin bərqərar olduğunu nümayiş etdirir.
Beləliklə, Azərbaycan–Serbiya tərəfdaşlığı təkcə siyasi yaxınlaşma olmamaqla, ortaq iqtisadi inkişaf və enerji təhlükəsizliyi gündəliyi üzərində qurulan strateji əməkdaşlıq modelinə çevrilməkdədir.
Oxşar xəbərlər
27.02.2026
27.02.2026
