SON YENİLİKLƏR

SEÇİCİLƏRLƏ İŞ ÜZRƏ

MİLLİ MƏCLİSİN İCLASLARI

BEYNƏLXALQ FƏALİYYƏT

GƏNCLƏRLƏ İŞ ÜZRƏ

SOSİAL-İCTİMAİ MƏSƏLƏLƏR

DÖVLƏT QURUMLARI İLƏ ƏMƏKDAŞLIQ

STATİSTİKA

MEDİA

Official page of Member of the

Parliament of the Republic of Azerbaijan

Əsas səhifə > MİLLİ MƏCLİSİN İCLASLARI > İctimai-siyasi çıxışlar

Rəqəmsal inkişaf Azərbaycanın gələcək inkişaf istiqaməti kimi

14:31 13.02.2026

Prezident İlham Əliyevin “Azərbaycanın yeni rəqəmsal arxitekturası” ilə bağlı müşavirədə səsləndirdiyi fikirlər göstərir ki, süni intellekt, data mərkəzləri və rəqəmsallaşma artıq texnoloji məsələ olmaqdan çıxaraq dövlətlərin gələcək inkişaf trayektoriyasını müəyyən edən əsas amilə çevrilib. Dövlət başçısının vurğuladığı kimi, “rəqəmsal inkişaf məsələsi bizim gələcək inkişafımızı böyük dərəcədə şərtləndirəcək”.

Deputat Kamal Cəfərovun mövqeyinə görə, Azərbaycanın bu sahədə atdığı addımlar uzun illər ərzində formalaşmış infrastruktur və beynəlxalq əməkdaşlıq təcrübəsinin məntiqi davamıdır. Xüsusilə nəqliyyat və enerji dəhlizlərinin gələcəkdə fiber-optik dəhlizlərə çevrilməsi perspektivi ölkənin coğrafi üstünlüyünün yeni mərhələdə rəqəmsal kapitala transformasiya edilməsi deməkdir.

Bu yanaşma Azərbaycanın artıq formalaşdırdığı enerji və logistika platformalarını rəqəmsal inkişafın dayaqlarına çevirməklə uzunmüddətli dayanıqlı inkişaf modelini möhkəmləndirir. Kamal Cəfərov hesab edir ki, bu kurs ölkənin mövcud potensialını yeni texnoloji reallıqlara uyğunlaşdırmaqla regional rəqabət qabiliyyətini daha da artıracaq.